Яғыулыҡҡа бәйле һуңғы яңылыҡтар ниндәй?

Алдан хәбәр итеүебеҙ буйынса, бөгөн Башҡортостан юлдаш каналында Республикаға идара итеү үҙәге яғыулыҡҡа бәйле хәл буйынса брифинг үткәрҙе. Һорауҙарға республиканың сәнәғәт, энергетика һәм инновациялар министры урынбаҫары Олег Тыщенко менән торлаҡ-коммуналь хужалыҡ министры Ирина Голованова яуап бирҙе.

Һүҙ нимә тураһында барҙы? Ҡыҫҡаса аңлатабыҙ!

- Салауатҡа БПЛА һөжүме Башҡортостандың яғыулыҡ баҙарына йоғонто яһамаясаҡ.

- Яғыулыҡ етерлек. Запасы булған етештереү ҡеүәттәре төбәк ихтыяждарын тәьмин итә. Халыҡты тыныслыҡ һаҡларға саҡыралар.

- Шау-шыу кәмей. Канистрҙарға һәм башҡа һауыттарға яғыулыҡ тултырыуға сикләүҙәр ғәмәлдә. Төп йөкләмә – эре АЗС-тарға, бәләкәй заправкаларҙың яҡынса 20 проценты ваҡытлыса эшләмәй, сөнки биржа аша һатып алыу ҡатмарлы.

- Коммуналь техника һәм махсус хеҙмәттәр өҫтөнлөклө тәртиптә яғыулыҡ менән тәьмин ителә (айырым колонкалар, яғыулыҡ карталары, раҫланған исемлектәр).

- Ауыл хужалығы етештереүселәре урып-йыйыу кампанияһы өсөн үҙ запастары менән тәьмин ителгән.

- М-12 трассаһында проблемалар юҡ, "Өфө-Стәрлетамаҡ" трассаһында Ауырғазы һәм Мәләүез райондарында ҡатмарлыҡтар бар (унда ҙур булмаған заправкалар эшләй).

- АИ-95 бензины менән проблемалар яғыулыҡ етештереү үҙенсәлектәре менән бәйле – АИ-92 еңелерәк етештерелә.

- Өфөлә хәлде нормалләштереү ике-өс көн дауамында көтөлә, тәү сиратта — ҙур ҡалаларҙа.

- Ҡайтанан бүлеү мәсьәләләре ҡул режимында хәл ителә (мәҫәлән, “Уфаойл” компанияһына яғыулыҡ менән тәьмин итеүгә кәрәкле контракттар төҙөргә ярҙам иткәндәр).

- Яғыулыҡ ҡойоу станцияһы таблоһындағы мәғлүмәт көнүҙәк булырға тейеш – быны “Башнефть” менән эшләйҙәр. Әгәр АЗС-та бөтә колонкалар эшләмәһә, ә, мәҫәлән, икеәһе генә икән – улар төрлө резервуарҙарға тоташтырылған була, ул саҡта бер өлөшө ваҡытлыса һүндерелергә мөмкин.

- Мишкә районында һәм Бөрөлә хәл контролдә, тиҙҙән барыһы ла тотороҡлана.