Бөтә яңылыҡтар
Иман
11 Август 2019, 15:45

"Хыялымды балаларға ҡалдырам"

Изге Ҡорбан байрамын билдәләүселәр араһында Наил хажи Ғабдрахманов та бар. Уға 83 йәш, Өфө ҡалаһында йәшәй.

Автор фотоһы
Автор фотоһы
Изге Ҡорбан байрамын билдәләүселәр араһында Наил хажи Ғабдрахманов та бар. Уға 83 йәш, Өфө ҡалаһында йәшәй.
Тыумышы менән Наил хажи Кушнаренко районының Ҡарасайылға ауылынан. Рәсәй Ислам университетын тамамлаған.
– Мин дингә инанған, ислам тәғлимәттәрен бик хөрмәт иткән ғаиләлә тыуып үҫтем. Йәш сағым совет осорона тура килде. Динде йәмғиәт инҡар иткән осорҙа ла күңелем Аллаһ Тәғәләнең ҡөҙрәтенә инанды. 2005 йылда хажға барып, рухи яңырыш кисереп ҡайтыу бәхете тейҙе. Ғүмер буйы эшҡыуарлыҡ менән шөғөлләндем. Бер ул һәм бер ҡыҙ тәрбиәләп үҫтерҙем, һигеҙ ейән-ейәнсәрем бар. Тәүфиҡлы, тәртипле булыуҙарына ҡыуанам. Бер хыялым бар – мәсет төҙөтәһе ине. Тик төрлө донъяуи сәбәптәр арҡаһында был эш туҡтап тора. Оло йәштәмен инде... Әммә эшемде балаларым дауам итеренә ышанам. Ҡорбан байрамы – иң ҙур һәм изге көндәрҙең береһе. Кешеләр күңеле рухи яҡтан байырға, берләшергә тейеш. Шулай уҡ был көндә туғандарыңды, яҡындарыңда йыйып, матур табын ҡороу фарыз, – ти Наил хажи.
Читайте нас в