Евразия мосолмандарының рухи донъяһының проблемалары нимәлә?

Әлеге мәлдә "Торатау" конгресс-холында "Евразия мосолман халыҡтарының рухи донъяһы. М. Аҡмулла - XIX быуаттың бөйөк мәғрифәтсеһе" тип аталған конференция үҙ эшен башланы.

Сараны асып, М. Аҡмулла исемендәге Башҡорт дәүләт педагогия университеты ректоры Салауат Сәғитов сығыш яһаны һәм Аҡмулланың дөйөм төрки донъяһында тотҡан урыны хаҡында һөйләне. "Шағирҙың әҫәрҙәрен рус теленә яңынан тәржемә итеү ҙә һис хата булмаҫ, совет осоронда йөкмәтке үҙгәртелгән осраҡтар ҙа юҡ түгел!" - тине ул.

Конференцияла сит ил ҡунаҡтары, йәштәр, дин әһелдәре, студенттар ҡатнаша.