Ә һеҙ балаларығыҙға бурыслымы?

"Бурысҡа бирәм тигәнеңде нисек аңларға? Бурысҡа аҡса биреп файҙаланыуҙың хәрәм икәнлеген белмәйһеңме ни?!"

Көндәрҙең бер көндө падишаһ һунарға сыҡҡан. Ау артынан ҡырҙан-ҡырға йөрөгәндә, иген иккән бер әҙәмгә осраған. Эргәһенә килеп сәләм биргән, тегенеһе сәләмен алып, тынып ҡалған.

Падишаһ теге әҙәмдән һораша башлаған:

- Нимә эшләйһең?

- Ғүмерегеҙгә доға әйтеп, иген игәмен, солтаным.

- Йылына ни тиклем ашлыҡ алаһың?

- Ҡайһы йыл - йөҙ, бәғзе йыл биш йөҙ аҡсалыҡ.

- Ул аҡсаны ни урындарға тотонаһың?

- Хоҙайға шөкөр, һеҙгә доға ҡылып, бер өлөшөн үҙ кәрәктәремә тотонам: бурыстарымды түләйем, бурысҡа бирәм, солтаным.

- Ни ваҡыт бурыслыһың? Бурыс алыу ни өсөн кәрәк булды?

- Бала сағымда, һис бер эшкә ярамаһам да, атай-әсәйем мине кейендерҙе, туҡландырҙы. Уларға бурысландым, солтаным. Инде улар ҡартайҙы, бер эшкә лә ярамайҙар. Ашатып-эсереп бурысымды түләйем.

- Шулай булһын. Бурысҡа бирәм тигәнеңде нисек аңларға? Бурысҡа аҡса биреп файҙаланыуҙың хәрәм икәнлеген белмәйһеңме ни?!

- Биш йән ваҡ балаларым бар. Уларҙы ашатып, эсереп торам, солтаным. Мин ҡартайғас, улар мине ҡарар. “Бурысҡа бирәм”, тигәнем шул.

Фото: yandex.ru

Читайте нас:

Бөтә хоҡуҡтар ҙа яҡланған.

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башҡортостан» гәзитенә һылтанма яһау мотлаҡ.

Зарегистрировано Федеральной службой по надзору в сфере связи, информационных технологий и массовых коммуникаций (РОСКОМНАДЗОР). Регистрационный номер: серия ПИ ФС77-33205 от 11 сентября 2008 г.

Баш мөхәррир

Исхаҡов Вәдүт Ғәйфулла улы

Электрон почта

[email protected]

Адресы

г. Уфа, ул. 50 лет Октября, 13, 5-й этаж

Реклама хеҙмәте

8(347)272-62-61

Ҡабул итеү бүлмәһе

8(347)272-05-43

Хеҙмәттәшлек

8(347) 273-83-92

Кадрҙар бүлеге

8(347)272-05-43