Башҡортостан
+22 °С
Дождь
Бөтә яңылыҡтар
Иман
24 Июнь , 16:45

Дин әһелдәре Күмертауға йыйылды

Башҡортостан мосолмандары Диниә назараты мөхтәсибәттәренең ике көнлөк семинар-кәңәшмәһе эшен башланы.

Күмертауҙа Башҡортостан мосолмандары Диниә назараты мөхтәсибәттәренең ике көнлөк семинар-кәңәшмәһе эшен башланы.
Башҡортостан Республикаһы Башлығы Хакимиәте етәксеһе Александр Сидякин ижтимағи диалогтың әһәмиәтен билдәләне.
– Беҙ республикала татыулыҡта һәм үҙ-ара ярҙам итешеп йәшәргә күнеккәнбеҙ. Был үҫештең мотлаҡ шартын тәшкил итә. Конфессия-ара донъя һәм хеҙмәттәшлек радикаль идеологияның таралыуына ла кәртә булып тора. Шуға күрә һеҙгә, хөрмәтле дин әһелдәре, изге йолаларҙы һаҡлап ҡалыу буйынса юғары яуаплылыҡ йөкмәтелә, – тине Александр Геннадьевич.
Башҡортостан мөфтөйө Айнур хәҙрәт Бирғәлин ошо тезисты хуплап, хеҙмәттәшлеккә ыңғай миҫал килтерҙе.
– Республика мосолмандары төбәк тормошонда әүҙем ҡатнаша. 2020 йылда пандемияның тәүге тулҡынында ирекмәндәргә киҫкен ихтыяж тыуғас, өс йөҙ мосолман ярҙамға килеп, үҙҙәренең машинаһы менән дарыуҙар һәм аҙыҡ-түлек таратты, – тине Айнур хәҙрәт.
Шул уҡ ваҡытта Диниә назаратының башланғысы бизнесмендарҙа ла, ябай халыҡта ла, төбәк власында ла хуплау тапты: юл буйында күсмә мәсеттәр, сауҙа үҙәктәрендә доға ҡылыу бүлмәләре, бергәләп өмәләр һәм спорт саралары үткәреү – быларҙың барыһы ла власть менән йәмғиәт араһында хеҙмәттәшлектең үҫеүе тураһында һөйләй.
Башҡортостан мөфтөйөнөң саҡырыуы буйынса форумда Мәскәү мөфтөйө, Мәскәүҙәге Йәмиғ мәсетенең баш имамы Илдар хәҙрәт Әләүетдинов ҡатнашты. Унда шулай уҡ республика Башлығы ҡарамағындағы Дәүләт-конфессия мөнәсәбәттәре советы рәйесе Азат Фәттәхов, Башҡортостан дәүләт хеҙмәте һәм идара итеү академияһы ректоры Данияр Абдрахманов, Рус Православие сиркәүенең Салауат епархияһы идарасыһы, Салауат һәм Күмертау епискобы Николай сығыш яһаны.
Ике көнлөк семинар-кәңәшмәлә республика имамдары өсөн оҫталыҡ дәрестәре, лекциялар үткәрелә.
Фото: bashinform.ru/news
Сығанаҡ: bashinform.ru