Аҡморонда мәсеткә нигеҙ һалына

Баймаҡ районының Аҡморон ауылында яңы мәсеткә нигеҙ һалына башланы. Иман йорто төҙөү тураһында ҡарар урындағы халыҡ йыйылышында ҡабул ителгән.

"Яңы мәсет майҙаны 180 квадрат метр, бина газ-бетон блоктарынан һалына. Күп быуатлыҡ традицияға ярашлы, иман йорто мосолмандарҙы туплау урыны булып тора. Был мәсеттә лә вәғәздәрҙә изгелеккә, тыныслыҡҡа, татыулыҡҡа, шәфҡәтлелеккә саҡырыуҙар яңғыраясаҡ!" - тип яҙған "Бәйләнештә"ге сәхифәһендә Баймаҡ районы хакимиәте башлығы Фәнис Әминев.

Мәсет ауыл халҡы күңелендәге иманды тағы ла арттырһын, тормоштарына ырыҫ-бәрәкәт бирһен!

Сығанаҡ: https://vk.com/fanisaminev