Күсейҙәр ҡорбан салған

Баймаҡ районының Күсей ауылы халҡы өлөшләтә мобилизацияға эләккән ир-егеттәрҙең иҫән-имен ҡайтыуына, һуғыштың тиҙерәк тамамланыуына арнап ҡорбан салған һәм ауылдың мәсетендә ҡорбан ашы ашатып. уларға доғалар бағышлаған.

Уны ойоштороуҙа ауылдың имам-хатибы Хафиз Баймөхәмәтов күп көс һалған. Ҡорбан ауылдаштарының йыйылған аҡсаһына һатып алынған. Изге сараны үткәреүҙә ауылдың уңған ҡатын-ҡыҙҙары ҙур ярҙам күрһәткән. "Ҡорбаныбыҙ ҡабул булып, йорт-ил тынысланып, һуғыштар бөтөп, ир-егеттәребеҙ имен-һау әйләнеп ҡайтһын!"-тигән доғаларыбыҙ ҡабул булһын ине тиҙәр ауыл халҡы.

Фото: Зинира Заманова.