Ҡатын-ҡыҙҙар мәсеткә йыйылды

Йылайыр районының Юлдыбай ауылы мәсетендә район мөслимәләре араһында "Алтын тирмә" бәйгеһе үтте.

Пәйғәмбәребеҙ Мөхәммәт саллаһу ғәләйһи үә сәләмдең хәҙистәрен, сәхәбәләренең тормош юлын өйрәнеү ғилем дәресе булды ул. Йәнле, ихлас, йылы аралашып, дини белемдәрҙе нығытып, арттырырға, башҡаларға еткерергә насип булды.

Һәр береһе ошо матур дини саранан ҡәнәғәт булып, ошо изге эштең дауамлы булыуын, артабан йәш быуынды йәлеп итергә тигән ниәт ҡуйҙылар.

Намаҙҙар уҡып, илгә тыныслыҡ, именлек теләп доғалар ҡылып, мул өҫтәл артында сәй эсеп таралышты мөслимәләр.

Аллаһ Раббыбыҙ һәр кемгә ныҡлы иман, оҙон ғүмер, йорттарға бәрәкәт, һаулыҡ-сәләмәтлек насип итһен!

Сығанаҡ: vk.com/public218062394