Егеттәр өсөн доға ҡылығыҙ!

Башҡорт батальондарының рухи остазы Хәмзә хәҙрәт махсус хәрби операцияла ҡатнашҡан егеттәрҙең яҡындарына, айырыуса әсәләренә мөрәжәғәт ҡалдырған. Ул "Башҡорт батальондары" телеграм-каналында донъя күрҙе. 

“Пәйғәмбәрҙең һүҙҙәре буйынса, әсәләрҙең доғаһы бик тиҙ ҡабул ителә, шуға күрә әсәләргә, ҡатындарға һәм яҡындарға улдары, ирҙәре, атаһы һәм яҡындары өсөн күберәк доға ҡылырға кәңәш итер инем. Улар концерт ҡарарға китмәгән, улар хәрби хәрәкәттәр зонаһында. Шуға күрә яугирҙәребеҙҙең үҙ ғаиләләренә иҫән-һау әйләнеп ҡайтыуҙарын, был махсус операцияның тиҙерәк тамамланыуын теләйем.

Егеттәр өсөн доға ҡылығыҙ, ҡорбан килтерегеҙ, аят уҡығыҙ, әлбиттә, һәр саҡ уларға әхлаҡи һәм рухи яҡтан ярҙам итегеҙ. Ата-әсәләргә – сабырлыҡ һәм һаулыҡ, ә беҙҙең яугирҙәргә уңыштар теләйем! Амин!

Фото: Телеграм.