Радий Хәбиров республика халҡын изге Рамаҙан айы башланыуы менән ҡотланы

Башҡортостан Башлығы Радий Хәбиров социаль селтәрҙә республика мосолмандарын изге Рамаҙан айы башланыуы менән ҡотланы һәм уларға һаулыҡ, именлек теләне.

«Алда - ураҙа тотоу һәм доға ҡылыу ваҡыты. Иманыбыҙ нығынған, башҡалар хаҡында ҡайғыртҡан ваҡытта, бөтәбеҙгә лә тыныслыҡ һәм именлек теләйбеҙ. Рамаҙан айы барыбыҙға ла көс һәм зирәклек алып килһен, рухи терәккә эйә булырға ярҙам итһен. Аллаһы Тәғәлә һәр берегеҙгә фатихаһын бирһен. Һеҙгә һәм яҡындарығыҙға һаулыҡ һәм именлек теләйем! Хуш киләһең, Рамаҙан!», - тип яҙҙы Радий Хәбиров.

Изге Рамаҙан айы менән! Тотҡан ураҙаларығыҙ ҡабул булһын!

Фото: "Башинформ"