Өләсәйҙәр доғаһы

Ятһам — йә Аллаһ, торһам – иншә Аллаһ,
Был ятыуҙан тора алмаһам — иман бирһен бер Аллаһ.
Иман менән үтәйем, ислам менән китәйем.

Хәтәр-хәтәр кистәрҙә һулым уңға әйләнһен,
Телемә иман бәйләнһен.
Аллаһ, Аллаһ тигәндә — ҡараңғы гүрем яҡтырһын,
Сөбханаллаһ тигәндә — ожмах ишеге асылһын.

Хәйерле эшкә хәрәкәт бир, ашыбыҙға бәрәкәт бир,
Йәнебеҙгә тыныслыҡ бир, малыбыҙға өлөш бир.
Беҙҙән борон үткәндәр, беҙҙән өмөт иткәндәр,
Өс әлхәм, өс ҡолһыуалла — һауабын бирһен бер Аллаһ.
Амин, Аллаһы әкбәр!!!

Сығанаҡ: "Һаулығым - байлығым"төркөмөнән.