+21 °С
Болотло
Иман
31 Октябрь 2025, 01:45
Яуыздар янығыҙға килә алмаҫ
Уларҙан һаҡланыу өсөн, сайттағы ошо аяттарҙы бөгөн көн дауамында уҡып йөрөйөк.
Яуыздар янығыҙға килә алмаҫ
Пәйғәмбәребеҙ Мөхәммәт ғәләйһис-сәләм кесаҙна төнөндә йәки йома көн дауамында "Әл-Кәһф" (“Мәмерйәләр”) сүрәһен уҡырға ҡушҡан.
Был сүрәнең тәүге ун аятын ятлап алған кеше Дәжжәл фетнәһенән (алдаҡтан, ялғандан, яуызлыҡтан) һаҡланған булыр", – тигән Мөхәммәт ғәләйһис-сәләм (Мөслим йыйынтығынан).
1. Әл-хә́мдү лилләәһил-ләҙииии ә́нзәлә ғәләә ғә́бдиһил-Китәәбә үә ләм йә́джғәл-ләһүү ғиүәджәә.
Мәғәнәһе: Үҙ ҡолона (Мөхәммәткә) Китап (Ҡөрьәнде) назил ҡылған һәм унда (был Китапта) [һис бер] ялғанға юл ҡуймаған Аллаһҡа [барлыҡ] хәмед-маҡтауҙар булһын!
2-4. Ҡа́ййимәл-лийүнҙира бә́ьсән шәдиидәм-мил-ләдүнһү үә йүбәшшираль-мүьминиинәл-ләҙиинә йәғмәлүүнәс-саалихәәти ә́ннә лә́һүм ә́джран хәсәнәә. Мәәкиҫиинә фииһи әбәдәә. Үә йүнҙираль-ләҙиинә ҡаалүт-тәхаҙәл-лааһу үәләдәә.
Мәғәнәһе: Уны тура иткән; [иман килтермәгәндәрҙе] Беҙҙең тарафтан булған бөйөк асыуҙан (ҡаты язанан) иҫкәртеү һәм изге ғәмәлдәр ҡылған мөьминдәрҙе уларға улар унда мәңге ҡаласаҡ яҡшы әжер (Йәннәт) [әҙерләнгәнлеге] менән шатландырыу өсөн һәм «Аллаһ үҙенә бала алды» тигән [мөшриктәрҙе] иҫкәртеү өсөн [Аллаһ был китапты назил ҡылды].
Ноябрь айына намаҙ ваҡытын тәҡдим итәбеҙ. Ул Өфө ваҡыты буйынса эшләнгән, Башҡортостан мосолмандары Диниә назаратынан алынды.
Д. Ишморатова фотоһы.
Беҙҙең МАХ каналына https://max.ru/gazetabashkortostan ҡушылығыҙ!
