Ни өсөн ризыҡҡа өрөргә ярамай?

Бәләкәй саҡта әсәйем бор­­ҡоп ҡайнап ултырған са­мауыр­ҙан сәй яһап йә көр­шәктән аш һалып биргәс, беҙ уларҙы тиҙерәк һы­уытыр өсөн: «Өф, өф-ф!» - тип өрөргә керешә инек. Диндар өләсәйем гел: «Ризыҡҡа, ризыҡ һалынған һауытҡа өрмәгеҙ!» - тиер ине. «Ни эшләп?» - тигән һорау­ға яуап: «Ярамай, тигәс ярамай!» - булыр ине күп ваҡытта.

Һорауға яуап алып булманы, әммә ризыҡҡа өрөү ғәҙәтен ташлатты өләсәй. Ошо һорауға яуапты хәҙистәрҙе өйрәнә башлағас ҡына алдым.

Әбү Дауыт, Тирмизинан килтерелгән хә­ҙистәрҙә, ысынлап та, ризыҡҡа өрмәгеҙ, тиелә.

Сәбәбе нимәлә һуң? Быны XXI бы­уат фәне иҫбат иткән дә инде: ауыҙ эсе ҡы­уыш­лығы - иң бысраҡ микрофлора. Тын менән сыҡҡан микробтар, бактерия­лар ризыҡтағы юғары температураға ҡу­шы­лып, күп ауы­рыуға сә­бәпсе була икән. Ошо хаҡ­та бынан 15 быуаттай әүәл әйтелгән, өлә­сәйҙә­ребеҙ ҙә ошо хә­ҙис­тәге аҡылды белгән, шуға күрә беҙ­ҙе, ризыҡҡа өрмәгеҙ, тип үҫтергән.

Ә бөгөнгө фәнни-техник прогресс осоронда һәр бе­­ребеҙ ашыға, ризыҡты ла ҡабалан-ҡарһалан ашай, эҫеһен өрөп һыуыта. Бигерәк тә бәләкәй балаларға өрөп һыуытып бирәбеҙ. Әйткәндәй, эҫе, ҡайнар ризыҡта бәрәкәт булмай, уны һыуытыңҡырап ашарға ҡушыла. Тик өрөп түгел, һыуына биргәнен көтөп, сабыр итеп.

Ашай белергә лә аҡыл, ғилем кәрәк икән...

Дини календарҙан.

Автор фотоһы.

Беҙҙең МАХ каналына https://max.ru/gazetabashkortostan ҡушылығыҙ!