Ураҙаға әҙерләнә башлайыҡ

Изге Рамаҙанға бер айҙан аҙыраҡ ваҡыт ҡалды. Уға үҙебеҙҙе әҙерләй башлайыҡ.

1. Ҡояш байығас ашамағыҙ.
2. Яйлап еңелсә аҙыҡҡа күсегеҙ, аҡ ондан әҙерләнгән, тоҙло, майлы, шәкәрле ризыҡтарҙы кәметеп, емеш-еләккә, йәшелсәгә, бутҡаларға өҫтөнлөк бирегеҙ. Аҙыҡты күберәк һыуҙа, парҙа бешерергә тырышығыҙ.
3. Һыу эсеү нормаһын яйға һалығыҙ.
4. Аҙнаһына ике тапҡыр – дүшәмбе һәм кесаҙна – ураҙа тоторға тырышығыҙ.
5. Организмды тулыһынса таҙартып алыу яҡшы булыр.
6. Күптән башҡарылырға тейеш булып та, ҡул теймәгән эштәрҙе атҡарып ҡуйығыҙ.
7. Өйөгөҙҙә генераль йыйыштырыу үткәрегеҙ, кәрәкмәгән, ҡый булып ятҡан әйберҙәрҙән ҡотолоғоҙ, кейемдәрегеҙҙе, түшәк кәрәк-ярағын йыуып алығыҙ.
8. Сәхәр, ифтар өсөн кәрәгәсәк аҙыҡ-түлекте – йәшелсәне турап, ҡырғыстан үткәреп, билмән, манты, фарш һ.б. – әҙерләп, туңдырырға ҡуйығыҙ.
9. Ураҙа мәленә алдан меню төҙөү ҙә уңайлы булыр.
10. Доға китаптарын, сәхәр, ауыҙ асыу, намаҙ ваҡыты күрһәтелгән календарҙы алдан әҙерләп һалып ҡуйығыҙ.

Беҙҙең МАХ каналына ҡушылығыҙ: https://max.ru/gazetabashkortostan

Автор фотоһы.