“Әл-Фәләҡ” ("Таң") сүрәһе

Бисмилләәһи-р-Рахмәәни-р-Рахиим.

1. Ҡуль әғүүҙү бираббиль-фәләҡ.

2. Миң шәрри мәә халәҡ.

3. Үә миң шәрри ғаасиҡин иҙәә үәҡаб.

4. Үә миң шәрри-н-нәффәәҫәәти филь-ғүҡәд.

5. Үә миң шәрри хәәсидин иҙәә хәсәд.

Мәғәнәүи тәржемәһе:

Рәхимле һәм Рәхмәтле Аллаһ исеме менән.

1. Әйт: “Таң Раббыһына һыйынам

2. Ул бар иткәндең яуызлығынан,

3. ҡараңғы төшкән саҡтағы яуызлыҡтан,

4. төйнәлгән ептәргә өрөүсе сихырсы ҡатындарҙың яуызлығынан,

5. көнсөлдөң көнләшкән ваҡыттағы яуызлығынан!”

* * *

Изге Ҡөрьәндә 113-сө тип билдәләнгән был сүрәнең атамаһы, ғәрәпсәнән тәржемә иткәндә, “ярып асыу” мәғәнәһен бирә. Ҡайһы берәүҙәр уны “Таң” тип тә атай.

Аллаһ Тәғәләнең ҡушыуы буйынса, ҡараңғылыҡты ярып, таң ата; орлоҡто ярып, шытымдар килеп сыға. Бөтә нәмә – Уның ғына ихтыярында. Һәм тик Аллаһ ҡына беҙҙе кешеләрҙең, ендәрҙең, башҡа мәхлүктәрҙең зыянынан ҡурсалай ала. Эйе, сихырҙан, ҡарғыштан, күҙ тейеүҙән дә ниндәйҙер бетеүҙәр ярҙамында түгел, ә Раббыбыҙға һыйынып ҡына һаҡланып була.

Автор фотоһы.

Беҙҙең МАХ каналына ҡушылығыҙ: max.ru/gazetabash...