"Тәҙрәһен дә йыуа белмәй!"

 

– Ҡара әле, ҡайһылай бысраҡ! Тәҙрәһен дә йыуа белмәй! – тип аптырауҙан хайран ҡалған ул. Был хаҡта иренә әйтһә, уныһы әллә ни иғтибар бирмәгән.

 

– Моғайын, һабыны насарҙыр, – тип ҡуйған ҡатын. – Бәлки, үҙе йыуа белмәйҙер. Өйрәтергә кәрәк булыр.

 

Бындай хәл күршеһе кер элгән һайын ҡабатланған. Ә бер иртәлә ҡатын, тәҙрәгә ҡарап, тағы ла ҡысҡырып ебәргән:

 

– Оһо! Бөгөн керҙәре таҙа! Ниһайәт, йыуырға өйрәнде күршем!

 

– Яңылышаһың, – тип көрһөнгән ире. – Киреһенсә, мин, иртәрәк тороп, үҙебеҙҙең тәҙрәне йыуҙым…

 

"Башҡаларҙан алда үҙеңде бел", "Үҙеңдән башҡаны фәрештә тип бел" тип өйрәтә динебеҙ. Ошо һабаҡтарға изге Рамаҙанда тағы ла нығыраҡ төшөнөргә, бер-беребеҙгә ихтирам, хөрмәт күрһәтеп йәшәргә яҙһын.

Хаталанһаң иһә, Аллаһтың ғәфү итеүен һорап, ошо доғаны уҡырға мөмкин:

"Аллааһүммәғфир лии хатыы’әтии үә джәһлии үә исраафии фии әмрии үә мәә әнтә әғләмү биһи миннии".

Мәғәнәһе:

Аллаһым! Ғәмәлдәремдәге хаталарымды, белмәүҙәремде үә исраф итеүҙәремде ғәфү ит, Һин минең гонаһтарымды миңә ҡарағанда белеүсерәк зат.

Был доғаны исраф ҡылыуҙы ғәфү итеүҙе һорап та уҡырға мөмкин. 

3 мартҡа сәхәр, ифтар, намаҙ ваҡыттарын тәҡдим итәбеҙ. Башҡортостан мосолмандары Диниә назаратының ҡушымтаһынан алынды, Өфө ваҡыты буйынса төҙөлгән.

 

Беҙҙең МАХ каналына яҙылығыҙ: https://max.ru/gazetabashkortostan