Саҙаҡа биреп, ауырыуҙарығыҙҙы дауалағыҙ...

Саҙаҡа биреү мал-мөлкәтте ишәйтә, ризыҡты арттыра.

Саҙаҡа биреп, ауырыуҙарығыҙҙы дауалағыҙ, тиелә бер хәҙистә. Йәғни саҙаҡа ‒ сирҙән дауа.

Саҙаҡаға йомарт булыу ‒ иманлылыҡ билдәһе.

Саҙаҡа биреү ‒ тәҡүәлеккә ирешеүҙең бер сәбәбе.

Саҙаҡа йәнде сафландыра һәм уның дәрәжәһен арттыра.

Саҙаҡа Ҡиәмәт көнөндә уны биреүсегә күләгә буласаҡ.

Саҙаҡа биреү ‒ Мөхәммәт пәйғәмбәрҙең холоҡ-фиғеле.

Саҙаҡа биреү туған-тыумасалар араһын нығыта.

Саҙаҡа бөтә насар нәмәләрҙән һаҡлай һәм Раббының асыуын баҫа.

Саҙаҡа ‒ ҡаты бәғерлелектән дауа. Ҡаты бәғерлелеккә зарланған бер кешегә Аллаһ рәсүле етемдең башынан һыйпарға һәм мохтаждарҙы ашатырға кәңәш иткән.

Саҙаҡа ‒ Тамуҡ утынан ҡотолоуҙың бер сәбәбе.

Саҙаҡа хата-гонаһтарҙы юя.

Саҙаҡа биреү – Аллаһтың һөйөүенә өлгәшеүгә бер сәбәп.

Фәрештәләр саҙаҡаға йомарт кеше өсөн көн һайын доға ҡылып тора.

Ҡайһы бер саҙаҡа өсөн әжер-сауаптар кешегә уның үлеменән һуң да яҙылып тора.

Һәр изге ғәмәл саҙаҡа була ала. Мәҫәлән, яңы ғына бешкән йылы икмәк менән кемделер һыйлау ҙа - ҙур сауап һәм саҙаҡа ул.  

«Ваҡыт» гәзитенән.

Г. Яҡшығолова фотоһы. 

Беҙҙең МАХ каналына https://max.ru/gazetabashkortostan ҡушылығыҙ!