+21 °С
Болотло
Инцидент
25 Май 2020, 14:00
Ниһайәт, ҡоҙоҡто яптылар
"Балалар өсөн хәүефләнәбеҙ! Урындағы хакимиәттән сара күреүҙе һорайбыҙ".
Ошо көндәрҙә социаль селтәрҙәге “Тыңлап торҙолар. Бөрө ҡалаһы” төркөмөндә донъя күргә яҙмаға ҡарата күптәр үҙ фекерен белдерҙе.
Мөрәжәғәт итеүсе ҡаланың Цюрупа менән Ленин урамдары киҫелешендәге канализация ҡоҙоғоноң асыҡ булыуын билдәләгән. “Ҡапҡасһыҙ ҡоҙоҡ бик тәрән, эсендә һыу күп, ул Ағиҙелгә ағып төшә. Балалар өсөн хәүефләнәбеҙ. Зинһар, ҡоҙоҡто ябығыҙ! Урындағы хакимиәттән сара күреүҙе һорайбыҙ”, – тип яҙа ул.
Мөрәжәғәткә Бөрө районы хакимиәтенең рәсми вәкиле Виктория Бурдина яуап бирҙе. “Цюрупа һәм Ленин урамдары киҫелешендәге ҡоҙоҡто 21 майҙа яптыҡ. Хәбәр иткәнегеҙ өсөн рәхмәт”, – тине ул.
Фото: vk.com
