Тротуар ҙа, юл да һалынған

Өфө ҡалаһының Сипайлово биҫтәһендә йәшәгән Артур Фәнис улы Ильясов ошо биҫтәләге тротуарҙарға ҡағылышлы проблеманы күтәреп сыҡҡайны. Уның мөрәжәғәттәре “Инцидент-Менеджмент” системаһы тарафынан иғтибарға алынған һәм хәл итеү өсөн тейешле органдарға ебәрелгән.

Артур Ильясов тәүге мөрәжәғәтендә: “Пятерочка” магазинынан Яр буйы урамына сыҡҡан урында асфальт түшәлгән уңайлы тротуар кәрәк”, - тигән һорауҙы күтәрә. Икенсеһенең йөкмәткеһе түбәндәгесә: “Йорт ихатаһы алдынан яр буйына тиклем асфальт юл һалыу талап ителә”.

Был ике мөрәжәғәткә ярашлы, Сипайлово биҫтәһен төҙөкләндереү буйынса хеҙмәт тарафынан тейешле эштәр башҡарылған һәм фотоотчет бирелгән.

Фото: “Инцидент-Менеджмент” системаһы.