+21 °С
Болотло
Инцидент
10 Ноябрь 2020, 13:15
Өс сәғәт эсендә хәл ителгән
Был үтенес социаль селтәргә ҡуйылған көндә - 8 ноябрҙә үк иҫәпкә алынған һәм...
Туймазы ҡалаһынан Юлия Савельева “Бәйләнештә” социаль селтәрендә көнкүреш ҡалдыҡтарын ваҡытында сығарыуға бәйле түбәндәге яҙманы ҡалдырғайны.
“Зинһар өсөн сүп-сарҙы ваҡытында сығарыуға булышлыҡ итегеҙ. Бер ай самаһы ошо хәл күҙәтелә. Был сүп-сар өсөн түләү квитанцияһы ай һайын килә, ә яуаплы ойошма үҙенең бурыстарын еренә еткереп үтәмәй. Контейнерҙар Туймазы ҡалаһы, Комаров урамы, 31-се а йорто янында урынлашҡан”.
Был үтенес “Инцидент-Менеджмент” системаһы тарафынан иғтибарға алынып, тейешле органдарға ебәрелгәс, Туймазы районы хакимиәтенән түбәндәге яуап алынған: “Был – төбәк операторының ПЭТ-шешәләр өсөн тәғәйенләнгән контейнеры. Өс сәғәт эсендә сүп-сар майҙансығы тәртипкә килтереләсәк һәм яңы контейнер ҡуйыласаҡ”.
Ысынлап та, был үтенес социаль селтәргә ҡуйылған көндә - 8 ноябрҙә үк иҫәпкә алынып, унда күтәрелгән мәсьәлә хәл ителгән. Фотола күреүебеҙсә, сүп-сар майҙансығы тәртипкә килтерелеп, яңы контейнер ҡуйылған.
Фото: “Инцидент-Менеджмент” системаһы.
