+21 °С
Болотло
Инцидент
16 Февраль 2021, 20:00
Юл билдәләре ҡайҙа булған?
Өфөләге тимер юл вокзалы эргәһендә инвалидтар өсөн туҡталҡа урындары булмауға борсолоп мөрәжәғәт иттеләр.
“Инцидент-менеджмент” системаһы – Башҡортостанда күптән түгел эшләй башлаған Республика менән идара итеү үҙәгенең бер өлөшө. Ул халыҡтың көндәлек һорауҙарын асыҡлап, килеп тыуған мәсьәләләрҙе хәл итеүҙә ярҙамлаша.
Күптән түгел Өфө ҡалаһында йәшәгән Вил Төхвәтуллин тимер юл вокзалы эргәһендә инвалидтар өсөн туҡталҡа урындары булмауға борсолоп мөрәжәғәт иткән.
Өфө ҡалаһы хакимиәтенең матбуғат хеҙмәте - мәғлүмәт-аналитика бүлеге етәксеһе Марсель Байдәүләтов белдереүенсә, тимер юл вокзалы эргәһендәге майҙанда ремонт эштәре алып барылыуы сәбәпле, юл билдәләре ваҡытлыса алып торола. Февраль башында Өфө коммуналь хужалыҡ һәм төҙөкләндереү хеҙмәткәрҙәре вокзал алды майҙанына “Инвалидтар” юл билдәләрен ҡабаттан урынлаштыра.
Фото: "Инцидент-менеджмент".
