+21 °С
Болотло
Инцидент
3 Июнь 2021, 14:15
Йылға буйы сүп-сар менән тулы ине
Һәр кем таҙалаған ерҙә түгел, ә ҡыйламаған ерҙә таҙа булыуын иҫтә тотһа ине.
Республика менән идара итеү үҙәгенең бер өлөшсәһе булған “Инцидент менеджмент” системаһына ябай халыҡтан төрлө хеҙмәттәрҙең эшмәкәрлегенә ҡағылышлы мәсьәләләрҙе хәл итеүҙе һораған мөрәжәғәттәр йыш килә.
Өфө ҡалаһының Затон биҫтәһендә йәшәгәндәр: “Затондағы “Водник” паркындағы сүп-сарҙы йыйыштырығыҙ, зинһар. Бөтә йылға буйы ҡый менән тулы”, - тип мөрәжәғәт ҡалдырған ине.
Был яҙмаға баш ҡаланың Ленин районы хакимиәтенән түбәндәге яуап алынған: “Ағымдағы йылдың 19 майында райондың коммуналь хеҙмәттәре “Водник” стадионы артындағы барлыҡ сүп-сарҙы сығарҙы. Әгәр өҫтәмә һорауҙарығыҙ булһа, Ленин районы хакимиәтенең коммуналь хужалыҡ һәм төҙөкләндереү бүлегенә шылтыратыуығыҙ һорала, телефондар: 229-04-29, 229-04-30, 229-04-31”.
Әлбиттә, халыҡтың тәбиғәт ҡосағындағы, йәмәғәт урындарындағы тәртипһеҙлеккә битараф булмауы яҡшы, әммә һәр беребеҙ тәртип булдырыуҙы үҙебеҙҙән башлайыҡ һәм таҙалаған ерҙә түгел, ә ҡыйламаған ерҙә таҙа булыуын онотмаһаҡ ине.
Фото: “Инцидент менеджмент” системаһы.
