Республика менән идара итеү үҙәгенең бер өлөшсәһе булған “Инцидент менеджмент” системаһына төрлө хеҙмәттәрҙең эшмәкәрлегенә ҡағылышлы мәсьәләләрҙе хәл итеүҙе һораған мөрәжәғәттәр даими килә.
Яңауылдан Артем Филиппов: “Ленин урамындағы “Дельфин” балалар баҡсаһы ҡаршыһында ихаталарға ингән юлға һалынған ямғыр һыуҙары канауы япмаһы машина үткән һайын ныҡ шытырлай. Был тауыш ялҡыта, ул бигерәк тә төндә ныҡ ишетелә”, - тип яҙған.
“Һеҙҙең мөрәжәғәтегеҙҙе муниципаль килешеү нигеҙендә Яңауыл ҡалаһының Ленин урамында төҙөкләндереү эштәре алып барған подрядсы ойошмаға – “Инфодор-Строй” йәмғиәтенә юлланыҡ. Ойошма етәксеһе 1 сентябргә тиклем етешһеҙлекте бөтөрөргә вәғәҙә бирҙе”, - тип яуап биргәйне Яңауыл районы хакимиәте. Артабан 1 сентябрҙә яуап тулыландырылды: “1 сентябргә “Инфодор-Строй” ойошмаһы Ленин урамындағы ямғыр һыуҙары канауын ремонтланы, хәҙер улар төҙөк хәлдә. Автомобиль менән йөрөүселәр һәм йәйәүлеләр өсөн мәшәҡәт юҡ”.
Фото: “Инцидент-Менеджмент системаһы.