Республика менән идара итеү үҙәгенең бер өлөшсәһе булған “Инцидент-менеджмент” системаһына төрлө хеҙмәттәрҙең эшмәкәрлегенә ҡағылышлы мәсьәләләрҙе хәл итеүҙе һораған мөрәжәғәттәр даими килә.
Бына, мәҫәлән, Бишбүләк районынан үҙенең кем икәнлеген белдерергә теләмәгән бер кеше: “Ошо күперҙе ҡасан эшләрҙәр икән?” – тигән һорау һәм фото ҡалдырған ине. Мөрәжәғәт “Инцидент-менеджмент” системаһы тарафынан иҫәпкә алынып, Бишбүләк районы хакимиәте ҡарамағына тапшырылғас, түбәндәге яуап алынды: “Мунса тыҡрығындағы күпер ремонты тамамланды. Күперҙе тәртипкә килтереүҙән тыш, эргә-тирә биләмә һәм йәйәүлеләр зонаһы төҙөкләндерелде”.
Фотоларҙан күренеүенсә, эш бик матур, сифатлы итеп башҡарылған.
Фото: “Инцидент-Менеджмент" системаһы.