Тормош үҙәге - Мөрсәлимдә

Республикаға идара итеү үҙәге төркөмөнән:

"Башҡортостандың төньяҡ-көнсығышы, Салауат районының Мөрсәлим ауылы. Башҡортостан Башлығының эш сәфәре һәм “Республика LIVE” тапшырыуының иң тәүге тапшырыуҙарының береһе. Ауыл клубында ағас ташыу буйынса мөһим кәңәшмә ойошторолдо. Бина иҫкергән, уның буйынса “Инцидент-менеджмент” системаһына ялыуҙар булды. Матур концерт ҡаранылар, халыҡ менән аралаштылар. Радий Хәбиров күрһәтмә бирҙе – ауылға яңы мәҙәниәт йорто кәрәк.

Ике йылдан һуң астылар ҙа. Хәҙер унда тормош ҡайнай. Конкурстар, викториналар, концерттар – бөтәһе лә уҙа. Тормош үҙәге – Мөрсәлимдә. Һәм был - иҫ китмәле хеҙмәт һөҙөмтәһе. Барлыҡ саралар берләшмәһе, өҫтәп милли проект сиктәрендәге федераль аҡсалар.

Радий Хәбировтың эш сәфәрҙәре тураһында Республикаға идара итеү үҙәгенән “Сәләм” тапшырыуы ҡунағы, Башҡортостан Башлығының муниципаль берәмектәр менән бәйләнеш буйынса идаралығының урындағы үҙидаралыҡ органдары менән эшләү буйынса бүлеге кәңәшсеһе Шамил Фәррәхов тура эфирҙа һөйләне.

Өс йылдан ашыу ваҡытта Башлыҡ барлыҡ райондарҙа ла эш сәфәре менән бер нисә тапҡыр булды. Улар планға ярашлы йәки берәй ваҡиғаға, мәсьәләләргә бәйле ойошторола. Һәр ваҡытта Радий Хәбиров тәү сиратта халыҡты тыңлай. Сәфәрҙән һуң Башлыҡ командаһы яуаплылар исемлеге һәм ваҡыты күрһәтелгән эштәр исемлеген әҙерләй. Һәр ваҡытта ла ҡарар тиҙ үтәлмәй. Шундай йомоштар бар, уларға бер-ике йыл үткән. Былар - ҙур социаль объекттар, федераль сараларҙы йәлеп итеү, смета, проекттар. Заманса, матур, бөтә нәмә менән йыһазландырылған мәктәп барлыҡҡа килһен өсөн ваҡыт кәрәк. Әммә бер йомош та юғалмай, тип билдәләне Шамил Фәррәхов.

Иҫегеҙгә төшөрәбеҙ, “Республика LIVE” тапшырыуы аҙнаның һәр кесаҙнаһында 22.00 сәғәттә эфирға сыға. Бөгөн, 17 февралдә, тапшырыуҙың 422-сеһе. Тема проблемалы: пассажирҙар ташыу.

Республикаға идара итеү үҙәгенең статистикаһы күрһәтеүенсә, элеккесә иң көнүҙәк мәсьәләләр – ҡар таҙатыу (169), торлаҡ-коммуналь хужалыҡ (159), төҙөкләндереү (126). Коронавирус кәмей – 15 хәбәр".

Фото: Республикаға идара итеү үҙәге төркөмөндәге видеонан скриншот.