Киләсәк – көслөләр ҡулында

Республикаға идара итеү үҙәге төркөмөнән:

"Бысраҡҡа буялып һәм ыштанға тиклем һыуланып – исем өсөн киләсәк. Әммә “Геройҙар уҙышы” барлыҡ кәртәләрҙе лә емерә. Саҡырыумы әллә... Көсһөҙһөңмө, әллә еңәһеңме? Көслө булһаң – бар. Көсһөҙ икәнһең – ынтыл. Ошо хаҡта – Башҡортостандың Республикаға идара итеү үҙәгендә Рәсәй Триатлоны федерацияһы президенты, “Геройҙар лигаһы” һәм “Геройҙар уҙышы” проекттары етәксеһе, ойоштороусыһы Ксения Шойгу. Ул теүәл фекерләй. Көслөләр ҡулында – киләсәк. Әммә улар ярҙам итергә тейеш. Был да дөрөҫ.

Шишмә районының Әлкә-2 ауылындағы “Патриот” хәрби-патриотик паркы - Радий Хәбировтың ҡыйыу идеяһын тормошҡа ашырыу, уның башланғысы. Унда шундай идеологтарҙың береһе Ксения Шойгу булды. Хәҙер пазлдар тура килде. Тәҡдим, уны тормошҡа ашырыу һәм федераль проект индереү мөмкинлеге - һәммәһе лә бар.

“Патриот”та хыялда булғандың бөтәһе лә тормошҡа ашырыласаҡ. Уҡытыу-методик үҙәк, плац, спорт майҙансығы. Быйыл йәй парк ике сменаны ҡабул итергә йыйына: уҡыусыларҙы һәм үҙҙәрендә бөтәһен дә һынап ҡарарға әҙер өлкәнерәк йәштәге ирекмәндәрҙе.

Паркта курсанттарҙы ла, әүҙем ялдың ҡәҙерен белгәндәрҙе лә көтәләр. Ғаиләләргә лә бик шат буласаҡтар. Волейбол, баскетбол майҙансыҡтары, бурса һәм турник менән воркаут өсөн ҡаласыҡ, кафе, хатта күле ла бар – йәкшәмбе ялы өсөн бик уңайлы урын.

Ҙур саралар уҙғарыу ҙа күҙ уңында тотола – ҡаршылыҡтар менән 12 саҡрымлыҡ трасса “Геройҙар уҙышы” өсөн күмәк спорт сараларын, чемпионаттарҙы уҙғарыу урынына әйләнәсәк. Яңы шарттарҙағы тәүге уҙышты 2022 йылдың июнендә үткәрергә ниәтләйҙәр.

"Йөҙөгөҙҙән үк күреп торам, һеҙ йә минең тиңдәш, йә кесерәк. Ситуация үҙәгенә килгәндә, Ғәҙәттән тыш хәлдәр министрлығында ла, Оборона министрлығында ла ошондай үҙәктәр барлығын беләһегеҙҙер. Бындай башланғыстың ысынлап та эшләүен күреүемә шатмын. Һеҙгә уңыштар! Ҙур эш башҡараһығыҙ. Презентация һәм эшегеҙ өсөн рәхмәт!" – тине Ксения Шойгу".

Фото: видеонан скриншот.