Март айы мәшәҡәттәр тыуҙыра

 Социаль селтәрҙәрҙә йыш урын алған мөрәжәғәттәрҙең береһе -  юлдар темаһы. Бөгөн  юлдарҙы боҙ-ҡарҙан таҙартыуҙы һорап яҙалар,  шул уҡ ваҡытта уны ремонтлау буйынса  ла  мөрәжәғәттәр  бар.

 Бер миҫал. Башҡортостан Республикаһына  идара итеү үҙәге системаһына Өфөләге  259-сы балалар баҡсаһының тротуарын таҙартыу кәрәклеге тураһында хәбәр килгән. Октябрь районы хакимиәтенән хәбәр итеүҙәренсә, проблема тиҙ арала хәл ителгән - тротуарҙы таҙартҡандар.


 Беҙгә Өфө ҡалаһы Пархоменко урамының 101-се йорто ҡыйығынан һыу ағыуы тураһында хәбәр килде. Совет районындағы  коллегаларыбыҙ мәсьәләне тиҙ арала хәл итте. Ҡыйыҡты ҡарҙан таҙарттылар. Эш бының менән генә бөтмәй - ул йорттоң ҡыйығын ремонтларға кәрәк буласаҡ..

  Халыҡты борсоған көнүҙәк темаларҙы билдәләйәк:
юлдар тураһында 99 мәғлүмәт алынды;
торлаҡ-коммуналь хужалыҡҡа ҡағылғандары- 64;
иҡтисад һәм бизнес – 56.

???? Әйткәндәй, "иҡтисад һәм бизнес" темаһына социаль-иҡтисади өлкәһенә ҡағылған мөрәжәғәттәр инә. Яуаптарҙы “Аңлатабыҙ. Башҡортостан” ресурсында табырға мөмкин: https://vk.com/obyasnyaem102

???? Иҫегеҙгә төшөрәбеҙ, Республикаға идара итеү үҙәгенән Башҡортостан юлдаш телевидениеһы  каналының “Сәләм” тапшырыуына тура бәйләнеште көн һайын 8.40 сәғәттә - рус, шишәмбе һәм кесаҙна 8.10 сәғәттә башҡорт телендә ҡарағыҙ.

Тулыраҡ – видеола.

#ЦУРБашкортостан #Салям