0 °С
Ясна
Хәүефһеҙлек
21 Декабрь 2019, 16:40
Сымдар ҡыҙып яна башлағас...
Иң ҙур сауҙа үҙәге "МЕГА"нан бөгөн кис 2500 самаһы кешене йәһәтләп сығарғандар. Араларында балалар ҙа күп.
Шәмбе көн ҡала халҡы сауҙа үҙәктәрендә йөрөп ваҡыт үткәрергә күнеккән. Айырыуса байрам алдынан кеше уларҙа мәж килә.
Бөгөнгө шундай кис саҡ фажиғә менән тамамланманы. Баш ҡаланың иң ҙур сауҙа үҙәктәренең береһе "МЕГА"ла янғын сигнализацияһы эшләй башлай. Тиҙ арала бөтә халыҡты тышҡа сығара һалалар. Бөтәһе 2500 кеше, шул иҫәптән 700 баланы эвакуациялайҙар. Баҡһаң, бутиктарҙың береһендә сервер бүлегендә сымдар ҡыҙған һәм яна башлаған. Шаһиттар әйтеүенсә, төтөн “Зара” бутигынан сыҡҡан.
"Тиҙ генә бөтәбеҙҙе лә тышҡа сығара һалдылар. Төтөн сыҡҡанын күрҙек, әле тышта көтөп торабыҙ", - тип яҙа сауҙа үҙәгендәге кешеләр.
Ғәҙәттән тыш хәлдәр министрлығының Башҡортостан буйынса Баш идаралығы матбуғат хеҙмәтенән хәбәр итеүҙәренсә, урынға шунда уҡ ҡотҡарыусылар йүнәлтелә. Үлгән һәм йәрәхәтләнгән кешеләр юҡ. Хәл контролдә.
Фото: Ғәҙәттән тыш хәлдәр министрлығының Башҡортостан буйынса Баш идаралығы матбуғат хеҙмәте.
Новости партнеров
