+12 °С
Облачно
Хәүефһеҙлек
24 Марта 2020, 19:20
Ҡыҙы менән атаһы бер кѳндә һәләк була
Мәйетте алып ҡайтыу ѳсѳн водитель 60 мең һум аҡса һораған...
Бәлә яңғыҙ йѳрѳмәй, ти халыҡ. Яҡташыбыҙ Эльвира Эмалова Сочи ҡалаһында йәшәгән була. Уның үҙен малайҙар кеүек тотоуы, тѳрлѳ хәлдәрҙе асыҡлауға ла йѳрѳүе хаҡында белдерҙе уның таныштары. 20 мартта яҡташыбыҙҙы бергә йәшәгән ѳйҙәше Марина А. сәнсеп үлтерә.
Ҡыҙҙар бер-береһе менән йылдан ашыу таныш булған. Сираттағы мәжлес ваҡытында улар араһында бәхәс ҡубып, Марина күршеһенә сәнсә. Үҙе иһә ҡуртымға алынған фатир хужаһына шылтырата башлай. Ир шунда уҡ "Ашығыс ярҙам" һәм полицияны саҡырта, тик ҡыҙҙы ҡотҡарып ѳлгѳрмәйҙәр...
Ошо уҡ кѳндә Башҡортостан Эльвираның атаһы реанимация бүлегендә йән бирә. Уны ныҡ итеп туҡмағандар, әле тикшереү эше бара. Ирҙе 23 мартта ерләгәндәр.
Эльвираны Сочиҙан алып ҡайтмағандар. Әле ҡыҙҙың игеҙәге һәм әсәһе уның янында. Мәғлүм булыуса, мәйетте алып ҡайтыу ѳсѳн водитель 60 мең һум аҡса һораған. Әле мәрхүмдең туғандары 47 мең һум йыйған, ярҙам сараһы дауам итә.
Фото: “Горобзор”.
