Башҡортостан
-25 °С
Болотло
VK
OK
РУС
Telegram
Дзен
Бөтә яңылыҡтар
10
Хәүефһеҙлек
26 Март 2020, 11:45
Самолетта пассажирҙар һуғышҡан
Ирҙең пеләш башынан ҡан борҡой. Ултырғысы, кейеме бысрана.
"Еңеү" авиакомпанияһының Мәскәүҙән Өфөгә осҡан самолетында үткән төндә ике ир һуғышҡан.
Уфасити порталы хәбәр итеүенсә, самолетҡа ултырғас та бер пассажир ир үҙен бәйелһеҙ тотҡан. Ҡысҡырынған, һүгенгән, ҡыҫҡаһы, ул иҫерек булған. Эргәһендәгеләрҙең, тынысланырға ҡушып, бортта балалар ҙа барлығын иҫкәртеүен ҡолағына ла элмәгән ул, тәртипһеҙ ҡыланыуын дауам иткән. Һәм уларға ҡолаҡсындар кейеп ултырыуҙан башҡа сара ҡалмаған.
Шулай был әҙәмдең тынмаҫын аңлап, яҙмыштарына күнеп осоп барғанда, самолет салоны буйлап стюардессалар йүгерешә башлай. Баҡтиһәң, алда ултырған егет, түҙемлеге бөтөп, ирҙең башын яра һуға, йоҙроғо менән генә лә түгел. Ирҙең пеләш башынан ҡан борҡой. Ултырғысы, кейеме бысрана. Самолет хеҙмәткәрҙәре һуғыусыны айырып ултырта, яралыға медицина ярҙамы күрһәтә. Әммә, башына туҡмаҡ алһа ла, янъялсы тынмай, артабан да юл буйы ҡысҡырыныуын дауам итә.
Аэропортта уларҙың икеһен дә тура полиция бүлмәһенә алып китәләр. Шулай итеп, холоҡһоҙлоғо арҡаһында башҡаларҙы ла бәләгә тарыта был пассажир.
Фото:
UfacityNews.ru
Читайте нас:
Дуҫтар! Беҙҙең телеграм-каналға яҙылығыҙ!
Өфө һәм Башҡортостан тураһында яңылыҡтар — һеҙҙең смартфонда.