Йәнә авария... Йәнә кеше ғүмере...

Белорет районында теркәлгән ҡот осҡос аварияла тотош ғаиләнең һәләк булыуы хаҡында хәбәр итеп тә өлгөрмәнек, ҡыҙғанысҡа ҡаршы, йәнә үлемесле юл-транспорт ваҡиғаһы хаҡында мәғлүм булды.

Бөгөн төндә Баймаҡ районында үлемесле авария теркәлгән. Магнитогорск-Ира автомобиль юлында "Шевроле Круз" автомобиле руле артындағы ир транспортҡа идара итә алмай, шул уҡ йүнәлештә килеүсе "ВАЗ-21010" автомобиленә бәрелә. Бәрелеү шул тиклем көслө була, "Шевроле Круз" водителе шунда уҡ йән бирә. Икенсе автомобилдәге дүрт пассажир, шул иҫәптән өс бала төрлө тән йәрәхәттәре менән Баймаҡ үҙәк ҡала дауаханаһына оҙатыла.

Юлдарҙа һаҡ булығыҙ, тиҙлек режимын арттырмағыҙ!

Фото: "Башинформ".