Медицина инспекторҙары эшкә тотондо

Бөтә республикалағы кеүек үк, Учалы районында ла медицина инспекторҙары әҙерләнә. Улар ойошмаларҙа санитария-эпидемиология талаптарының үтәлешен күҙәтә.

Медицина инспекторы итеп тәғәйенләнеү өсөн медицина белеменә эйә булыу мотлаҡ түгел. Бының өсөн Башҡортостан дәүләт медицина университеты сайтында https://med-inspector.ru һылтанмаһы буйынса махсус курс ойошторолған. Уҡыу өсөн теркәлергә кәрәк.

Учалы коррекцион мәктәп-интернатының балалар баҡсаһында был бурыс шәфҡәт туташы Светлана Бакалға, мәғариф бүлегендә – граждандарҙың мөрәжәғәттәре менән эшләү буйынса белгес Гөлдәр Әхмәтйәноваға, район хакимиәтендә хужалыҡ бүлеге мөдире Зилә Төхвәтуллинаға йөкмәтелгән. Улар коронавирус пандемияһы осоронда хеҙмәткәрҙәрҙең битлек кейеүен, социаль арауыҡ һаҡлауын, ҡулдарын дезинфекциялауҙы, антисептиктар булыу-булмауын күҙәтә, термометрия үткәрә.

Фото: uchaly.bashkortostan.ru