Их, атай…

Кисә киске сәғәт туғыҙ тирәһендә “Иглин” тимер юл станцияһында фажиғә теркәлде. Рельс аша сығып барған ирҙе һәм уның дүрт йәшлек улын поезд бәрҙергән. Өлкән кеше үлемесле йәрәхәтләнгән, ә баланың ғүмере өсөн табиптар көрәшә.

Волга буйы тәфтиш идаралығы тәфтишселәре ваҡиға урынында булып, хәлде асыҡларға тырышҡан. “Фажиғәгә килтергән бөтә сәбәптәр тикшерелә”, - тинеләр ведомствоның матбуғат хеҙмәтендә. Яҡынса мәғлүмәттәрҙән күренеүенсә, улын күтәреп рельстар буйлап йүгергән атай кеше сығып өлгөрмәгән. Бик үкенесле хәл...

Фото:”Башинформ”.