Битлек-бирсәткәләр туҡталыштарҙа ла һатыла

Өфө ҡалаһы хакимиәтенең оператив кәңәшмәһендә урындағы йәмәғәт транспорттары туҡталыштарында шәхси һаҡланыу саралары һатыуҙы ойоштороу хаҡында ҡарар ҡабул ителде.

Әле был эш бойомға ашырыла башланы: йөҙ туҡталышта ҡала халҡы өсөн битлек һәм бирсәткәләр һатыу урындары асылды. Өфөнөң үҙәгенән, Октябрь проспектынан тыш, Черниковка, Сипайлово, Йәшел сауҡалыҡ, Затон биҫтәләрендә лә халыҡ һаҡланыу сараларын алыу мөмкинлегенә эйә. Битлек-бирсәткәләр баш ҡаланан сыҡҡан урындарҙа – Мәктәп, Өфө аэропорты туҡталыштарында ла һатыла.

Был сара хакимиәт менән эшҡыуарҙарҙың берҙәм хеҙмәте һөҙөмтәһендә бойомға ашырыла.

Фото: Өфө ҡалаһы хакимиәте.