+30 °С
Болотло
Хәүефһеҙлек
21 Ноябрь 2020, 16:00
16-сы ҡаттан ҡолап төшкән
Әлеге төҙөлөштә бындай хәл беренсегә түгел. Тәфтиш комитетынан белдереүҙәренсә...
19 ноябрҙә Өфөнөң Чернышевский урамындағы төҙөлөш бригадаһы эшсеһе һәләк булған. Был турала Башҡортостандың Тәфтиш комитеты хәбәр итә.
Төҙөлөш майҙансығында монтаж эштәрен башҡарған ваҡытта 16-сы ҡаттан 27 йәшлек эшсе ҡолап төшкән. Бәрелеүҙән алынған йәрәхәттәрҙән ир шунда уҡ һәләк булған, тигәндәр ведомствола. Үлемесле ваҡиға урынына кисекмәҫтән тәфтиш-оператив төркөм һәм полиция хеҙмәткәрҙәре килгән. Әле урын-ер тикшерелә, суд-медицина экспертизаһы билдәләнгән, шаһиттарҙан, етәкселектән, эшселәрҙән һорау алына, документтар, хеҙмәткәрҙәрҙең вазифауи инструкциялары өйрәнелә. Эшсе үҙе ҡағиҙәләрҙе теүәл үтәмәгәнме, эш дөрөҫ ойошторолмағанмы - тикшереү һөҙөмтәләре буйынса үлем осрағына хоҡуҡи яҡтан баһа биреләсәк.
Әлеге төҙөлөштә бындай бәхетһеҙлек осрағы беренсегә генә түгел. Ошо уҡ йылдың апрелендә плитә конструкцияһын йыйған ваҡытта бер эшсе ике метр бейеклектән йығылып имгәнгәйне. Ул ваҡиға буйынса ла тикшереү тамамланмаған әле.
Фото: "Бәйләнештә".
