+21 °С
Болотло
Хәүефһеҙлек
26 Ғинуар 2021, 20:30
16-сы ҡаттан ҡолап төшкән...
Әгәр ваҡытында тейешле саралар күрелһә, был фажиғә булмаҫ ине...
Республиканың Тәфтиш комитеты Өфөлә, төҙөлөштә булған фажиғәгә бәйле енәйәт эше асҡан. Мәғлүм булыуынса, 27 йәшлек монтажлаусы ҡала үҙәгендә төҙөлөп ятҡан күп ҡатлы йорттоң 16-сы ҡатынан ҡолап төшөп һәләк булған.
Алған тән йәрәхәттәренән йәш ир урында уҡ һәләк булған. Тәфтишселәр фекеренсә, был хәлдә подрядчик ғәйепле, сөнки эш урынында тейешле хәүефһеҙлек саралары күрелмәгән.
Енәйәт эше 216-сы статьяның 2-се бүлеге буйынса ҡуҙғатылған. Был төҙөлөш эштәре алып барғанда хәүефһеҙлек сараларын боҙоу һәм һаҡһыҙлыҡ арҡаһында кешенең үлеменә килтереү осрағына ҡағыла.
– Ойошма-подрядчик тарафынан хәүефһеҙлек саралары күрелмәгән, төҙөлөп ятҡан йорттоң 16-сы ҡатында һаҡлаусы кәртәләр һәм хәүеф ихтималлығын иҫкәртеүсе билдәләр ҡуйылмаған, һөҙөмтәлә был фажиғәгә килтергән, - тип белдерәләр Тәфтиш комитетының матбуғат хеҙмәтендә.
Әлеге ваҡытта хәлдең үҙенсәлектәре асыҡлана, шаһиттарҙан һорау алына. Компанияның документтары тикшерелә.
Фото: ctv7.ru
