Башҡортостан
+28 °С
Дождь
Бөтә яңылыҡтар
Хәүефһеҙлек
15 Июль , 20:00

"Юбилей" ятҡылығында йәнә фажиғә

Бер аҙнала икенсе тапҡыр бәхетһеҙ осраҡ теркәлде. Өйләнмәгән йәш кеше әрәм...

"Юбилей" ятҡылығында йәнә фажиғә

Күптән түгел Хәйбулла районында төҙөлә башлаған "Юбилей" ятҡылығында 53 йәшлек машинистың һәләк булғаны хаҡында хәбәр иткәйнек. Йәнә ошонда уҡ икенсе фажиғә теркәлгән.

"Башҡорт баҡыры" яуаплылығы сикләнгән йәмғиәтендә эшләгән 22 йәшлек водителдең ғүмере өҙөлгән. Асыҡланыуынса, "КамАЗ" рулендәге егет карьер буйлап аҫҡа төшкәндә автомобилдән сыға. Ниндәйҙер бер мәлдә йөк машинаһы ҡуҙғалып китеп, егетте тапата. Күҙаллауҙар буйынса, техниканың тормозы тотмаған йәки башҡа урыны төҙөк булмаған.

Осраҡ буйынса тикшереү эше бара. Учалы егетенең ғүмере шулай иртә өҙөлөүе аяныслы. Өйләнмәгән дә булған.
 
Фото: ugok.ru
Автор:Карима Усманова