Оло кеше аңына килә алмаған...

26 июлдә Ишембай районында үлемесле авария булғаны хаҡында хәбәр итә Башҡортостан буйынса ЮХХДИ. Фажиғәле хәлде тикшереү башланған.

Юл һәләкәте Кинйәбулат - Үрге Этҡол юлының икенсе километрында киске сәғәт 7-ләрҙә булған. "ВАЗ-2107" автомобиле (рулдә - 62 йәшлек водитель) юлдан ситкә сығып түңкәрелгән.

Авария һөҙөмтәһе аяныслы: ирҙе реанимацияға һалғандар, әммә, ҡыҙғанысҡа ҡаршы, ул аңына ла килә алмай йән биргән. Янындағы 67 йәшлек пассажир ҡатын төрлө йәрәхәттәр менән урындағы дауаханаға илтелгән.

ЮХХДИ йәнә иҫкәртә: юлдарҙа иғтибарлы, һаҡ булығыҙ, тейешле тиҙлекте һаҡлағыҙ! Шул уҡ ваҡытта, әгәр үҙегеҙҙе наса тояһығыҙ, ауырып тораһығыҙ икән, сәфәргә сыҡмауығыҙ һорала.

Фото: gorobzor.ru