Ауыл эсендә һәләк булғандар...

Бөгөн Ҡырмыҫҡалы районында көндөҙгө сәғәт 2-ләр тирәһендә булған автоһәләкәттә ике кешенең ғүмере өҙөлгән. Фажиғәле хәл Ҡырмыҫҡалы ауылының Вахитов урамында теркәлгән, тип хәбәр итә Башҡортостан ЮХХДИ идаралығының матбуғат хеҙмәте.

Билдәле булыуынса, “Chevrolet Aveo” автомобилен йөрөтөп барған кеше ҡапыл идара итеү һәләтен юғалтҡан һәм, юлдан ситкә сығып китеп, ауған. Юл-транспорт ваҡиғаһы һөҙөмтәһендә шофер үҙе лә, уның эргәһендәге пассажир ҡатын да "Ашығыс ярҙам" килгәнсе үк вафат булған.

Авария урынын полиция хеҙмәткәрҙәре һәм башҡа хеҙмәттәр тикшергән, фажиғәгә илткән сәбәптәр асыҡлана.

Фото: Башҡортостан ЮХХДИ идаралығының матбуғат хеҙмәте.