Тынғыһыҙ ирекмәндәр

Зөлфиә һәм Усман Ниғмәтуллиндар янғын һүндереүҙә тәүге тапҡыр ғына ҡатнашмай. Шуға күрә ут менән нисек алышырға кәрәклеген яҡшы беләләр, тиҙ генә үҙҙәре менән еңелсә ашау өсөн аҙыҡ-түлек, һыу һәм көрәктәр алып, йәнә тоҡанған янғынға тәүгеләрҙән булып барып та етәләр.

"Бөтә район халҡы менән утты ауыҙлыҡларға тейешбеҙ, урмандарҙы һаҡлап ҡалыу бик мөһим", - ти Ниғмәтуллиндар.

Үҙҙәренең ваҡыты һәм көсө менән иҫәпләшмәйенсә, көнө-төнө ут һүндергән, минераль һыҙаттар аша ут ҡаршы яҡҡа сыҡмаһын өсөн һаҡта торған Казанка ауылы ирекмәндәренә оло рәхмәт!

Фото: "Зианчуринские зори"