Башҡортостан
+14 °С
Облачно
VKOKРУС
Бөтә яңылыҡтар
Хәүефһеҙлек
8 Сентябрь , 10:00

Өс кешенең ғүмере өҙөлгән

Өфө янында таң менән булған авария бик көслө булған. Кешеләр... 

Өс кешенең ғүмере өҙөлгән

Бөгөн таң менән Өфө янында булған ҡурҡыныс авария кешеләр ғүмерҙәрен өҙҙө. Өфө – Шишмә автомобиль юлының 15-се километрында була ул. Бында “ВАЗ-2112” менән “Лада Гранта” бәрелешә.

Һуңғараҡ асыҡланыуынса, тәүге машинала 21 йәшлек Шишмә районы кешеһе ултырған. Ә “Гранта”ға 61 йәшлек Ҡырмыҫҡалы районы кешеһе идара иткән.

ЮХХДИ-нан хәбәр итеүҙәренсә, машиналар бер-береһенә ҡаршы килеп бәрелешкән. Әлегә авария сәбәптәре асыҡланмаған. Бәрелеш бик көслө булған. “Гранта”ның водителе һәм пассажиры, шулай уҡ “ВАЗ”-дың пассажиры урында һәләк булған. Ә уның водителе һәм икенсе машинаның тағы бер пассажиры йәрәхәттәр менән дауаханаға оҙатылған.

Урында полиция, табиптар һәм башҡа хеҙмәттәр эшләгән, әле авария сәбәптәре асыҡлана. 

Фото: ЮХХДИ. 

 

Автор:Альфия Мингалиева