Үткән төндә Өфөләге 3-сө ҡала дауаханаһының айырым торған бинаһында - компьютер томографияһы кабинетында ут сыҡҡан, тип хәбәр итә "Башинформ".
Унда тиҙ арала янғын һүндереүселәр, ҡотҡарыусылар йүнәлтелә. Оператив эш һөҙөмтәһендә сәғәт 01.18-ҙә ут туҡтатыла. Янғын төндә булғанға күрә, берәү ҙә зыян күрмәгән. Әле бәләнең сәбәптәре асыҡлана, урында Рәсәй Ғәҙәттән тыш хәлдәр министрлығының Башҡортостандағы идаралығы тикшереүселәре эшләй, тип хәбәр итәләр ведомствонан.
Фото: Рәсәй Ғәҙәттән тыш хәлдәр министрлығының Башҡортостандағы идаралығы.