Кисә төндә Ғафури районында Стәрлетамаҡ - Красноусол автомобиль юлында үлемесле авария теркәлгән.
ВАЗ-2114 машинаһына идара иткән 21 йәшлек Ауырғазы кешеһе хәүефле боролошта юлдан ситкә сығып осоп түңкәрелә.
Юл һәләкәтендә хәүефһеҙлек ҡайышын эләктермәгән водитель үҙе "Ашығыс ярҙам" килгәнсе үк йән бирә. Дүрт пассажир - 21-әр йәшлек ике, 19, 35 йәшлек ир-егеттәр - төрлө тән йәрәхәттәре ала.
Авария буйынса тикшереү эше башланған.
Дәүләт автоинспекцияһы хеҙмәткәрҙәре бер тәүлектә 2050 юл хәрәкәте хәүефһеҙлеге ҡағиҙәһен боҙоу осрағын асыҡлаған, 34 иҫерек водитель тотолған.
Фото: ЮХХДИ.