Һауа торошо яҡшырасаҡмы?

Иртәгә, 27 декабрҙә, республиканың көньяҡ-көнсығышында насар һауа торошо һаҡланасаҡ, тип хәбәр итәләр Башгидрометүҙәктән.

Һауа температураһы төндә -12–14, көндөҙ -10–12 градус һалҡын булыуы көтөлә.

Бөгөн республиканы буран ҡапланы. Трассаларҙа хәрәкәт сикләнде, электр энергияһы менән өҙөклөктәр күҙәтелде. Ҡырмыҫҡалы, Мәләүез, Туймазы райондарында күмәк авариялар теркәлде.

Әле елдең 20-25 метрға тиклем көсәйеүе, буран күҙәтелә, ҡар яуыуҙан туҡтамай, юлдарға көрт һалына, юлдың күренеү кимәле түбәнәйә.

Фото: "Башинформ".