Китеп барған машинанан ҡолаған...

Бөгөн иртән Башҡортостанда бик сәйер авария теркәлә, дөрөҫөрәге, үлемесле ваҡиға. Иртән Белорет – Инйәр – Өфө автомобиль юлы буйлап “Шевроле Нива” машинаһы юлға сыға. Рулдә 70 йәшлек ир ултыра, янындағы пассажир урынында 32 йәшлек ҡатын була.

Трассаның 208-се километрында, ни сәбәптәндер автомобилдең ишеге асылып китә һәм ҡатын хәрәкәт иткән машинанан ҡолап төшә. “Уның йәрәхәттәре ауыр була, ҡыҙғанысҡа ҡаршы, ул табиптар килгәнсе вафат була”, – тигәндәр юл инспекторҙары.

Әле был хәл буйынса тикшереү башланған, эште тәфтиш бүлегенә тапшырғандар.

Фото: ЮХХДИ.