Быйыл яҙғы ташҡынды ҡасаныраҡ көтөргә?

Республикалағы 250 ауыл биләмәһе һыу баҫыу хәүефе янаған зонала урынлашҡан. Ғәҙәттә, яҙғы ташҡын апрелдең беренсе яртыһында башлана, әммә мартта уҡ ирегән ҡар һыуы баҫыу ихтималлығы бар. Ентекләберәк күҙаллауҙы февраль аҙағында Башҡортостандың Гидрометеорология һәм тирә-яҡ мөхит мониторингы идаралығы бирәсәк.

Республика яҙғы ташҡынға нисек әҙерләнә? Был хаҡта бөгөн “Сәләм” тапшырыуында Башҡортостандың Республикаға идара итеү үҙәгенән тура эфирҙа республиканың Ғәҙәттән тыш хәлдәр буйынса дәүләт комитеты рәйесенең беренсе урынбаҫары Кирилл Первов менән һөйләшеү булды.

Республика йылаларындағы хәлде даими күҙәтеү өсөн видеокүҙәтеү камералары ҡуйылған.

Һыу баҫыу тураһындағы хәүефте ваҡытында хәбәр итеү өсөн муниципаль берәмектәр етәкселеге менән команда-штаб күнекмәләре планлаштырылған.

Башҡортостандың Ғәҙәттән тыш хәлдәр буйынса дәүләт комитеты кәрәк осрағында боҙ шартлатыу өсөн махсуслашҡан ойошмалар менән килешеүҙәр төҙөй.

Йола буйынса статистика тураһында ла һөйләшеү булды. Үткән аҙнала, 31 ғинуарҙан 6 февралгә тиклем, Башҡортостандың Республикаға идара итеү үҙәге һаулыҡ һаҡлау темалары буйынса мөрәжәғәттәр һанының артыуын күҙәткән – 1243. Юлдарҙы һәм ихаталарҙы  таҙартыу темаһы икенсе урында – 1087 мөрәжәғәт. Төҙөкләндереү проблемалары өсөнсө урында – 843 мөрәжәғәт.

Ентекләберәк видеола:

#ЦУРБашкортостан