Өс бала ғәйеп булған...

Стәрлетамаҡ ҡалаһынын хәүефле яңылыҡ еткерәбеҙ. Кисә, 21 мартта, иртәнсәк өс бала ғәйеп булған. Был турала “Отклик” эҙләү-ҡотҡарыу отряды хәбәр итә.

Һеҙҙең иғтибарға уларҙың фотоларын тәҡдим итәбеҙ.

Беренсеһе – Данис Фәйрузов, 2006 йылғы. Буйы 165 сантиметр, уртаса буй-һынлы, көрән ҡыҫҡа сәсле. Күҙҙәре көрән төҫтә. Ҡара куртка парка, ҡара шапка, ҡара джинсы салбар һәм ҡара ботинка кейгән.

Икенсеһе – Алексей Бурнаев, 2014 йылғы. Буйы 130 сантиметр, уртаса буй-һынлы. Сәсе ҡыҫҡа ҡара, күҙҙәре көрән. Һоро шапка, ҡыҙыл һыҙатлы зәңгәр куртка, ҡара салбар һәм болон итектәр кейгән.

Өсөнсөһө – Артур Бурнаев, 2007 йылғы. Буйы 160 сантиметр, уртаса буй-һынлы. Көрән ҡыҫҡа сәсле һәм көрән күҙле. Йәшел шапка, ҡара куртка-парка, ҡара-зәңгәр салбар, ҡара кроссовка кейгән.

Балаларҙың ҡайҙа икәнлеген белһәгеҙ, 8 987 106 06 01 йәки 02 телефондарына хәбәр итеүегеҙҙе һорайҙар.

Әле бөгөнгө мәғлүмәттәр буйынса балалар һаман табылмаған. Стәрлетамаҡ прокуратураһы хәлде контролдә тота.

Асыҡланыуынса, был малайҙар “Ғаилә” социаль-реабилитация үҙәге тәрбиәләнеүселәре булған. Приют хеҙмәткәре уларҙы мәктәпкә килтергән, бынан һуң улар уҡытыусыларҙан йәшенеп, мәктәптән ҡасҡан.

Фото: "Башинформ".