Башҡортостан
-11 °С
Болотло
VKOKРУС
Бөтә яңылыҡтар
Хәүефһеҙлек
6 Июнь , 22:45

Һыу инеү хәүефһеҙ булһын өсөн

6 июнгә республикала 48 муниципалитетта 91 пляжды асырға әҙерҙәр.

Һыу инеү хәүефһеҙ булһын өсөн
Һыу инеү хәүефһеҙ булһын өсөн

Һуңғы биш йылда республикала йыһазландырылған пляждар һанын ике тапҡырға – 68-ҙән 137-гә тиклем арттырҙылар. 2024 йылда иһә Башҡортостанда 200 сертификацияланған пляж асыла. Республиканың Ғәҙәттән тыш хәлдәр буйынса дәүләт комитеты рәйесе Фәрит Ғүмәров Радий Хәбиров уҙғарған аҙналыҡ оператив кәңәшмәлә ошондай һандар килтерҙе.

6 июнгә республикала 48 муниципалитетта 91 пляжды асырға әҙерҙәр. Һыу объекттарында ял итергә ниәтләгән халыҡҡа уңайлы булһын өсөн йыһазландырылған пляждарҙың урындары менән интерактив карта эшләй башланылар.

Башҡортостан Башлығы ҡала-район хакимиәттәренә һыу инеү хәүефле һәм тыйылған урындарҙы даими контролдә тоторға ҡушты.

– Халыҡ төрлө, йыш ҡына яраҡлаштырылмаған урындарҙа һыу инә. Беҙҙең бурыс – һыуҙа ял итеү хәүефһеҙ булһын, – тип йомғаҡ яһаны Радий Хәбиров. – Шуға ла һәр муниципалитетта пляжда ял итеү өсөн уңайлы шарттар булдырабыҙ.

Фото: ufa.rbc.ru

Автор:Альфия Мингалиева
Читайте нас в