Айыуҙы ҡуҙғытмау хәйерле

Социаль селтәрҙә ошо видеояҙма таралды. Үҙен оҙаҡ итеп видеоға төшөргән кешене айыу өҙгөсләп ташлай. Этик нормаларҙы һаҡлап, был ҡурҡыныс хәл булған урында төшөрөлгән фотоны бирә алмайбыҙ.

Урман-ҡырҙа айыу менән осрашһағыҙ нимә эшләргә? Белгестәр түбәндәге кәңәштәрҙе бирә:

– бер ҡасан да айыуға яҡын бармағыҙ;

– йәнлекте ҡурҡытырға маташмағыҙ, таяҡ кеүек нәмә менән һелтәнмәгеҙ, уның ташланыуы ихтимал;

– айыуҙан ҡасмағыҙ, улар баҫтырырға ярата. Йөҙөнә ҡарап, яйлап ҡына артҡа сигенегеҙ.

Был видеояҙмалағы ише, йәнлекте ҡуҙғытып, оҙон-оҙаҡ фотоға йәки видеоға төшөрөү – аҡылһыҙлыҡ.

Фото: bravedefender.ru