Апаһы көн һайын илай

31 июлдә Бәләбәй районының Приютово ауылында йәшәгән ир юғалған. Был турала “Барс” эҙәрмәндәр отряды хәбәр итә. Ул – 39 йәшлек Дмитрий Пашин. Ирҙе тәүҙә үҙаллы эҙләгәндәр, һөҙөмтә булмағас, ирекмәндәргә мөрәжәғәт иткәндәр.

– Уны туғандары ныҡ көтә, апаһы көн һайын илай һәм үҙ көстәре менән табырға тырыша. Беҙҙең эҙәрмәндәр бер нисә тапҡыр Бәләбәйҙән Приютовоға һәм күрше ауылдарға барҙы, тик һөҙөмтә юҡ, – тигән ирекмәндәр.

Ирекмәндәр битараф булмаған кешеләргә мөрәжәғәт итә һәм фотоны иғтибар менән ҡарауҙы һорай. Яҡынса мәғлүмәттәр буйынса, ир медицина ярҙамында мохтаж һәм бәлки өйөнә ҡайта алмайҙыр.

Дмитрийҙың билдәләре: буйы 172 сантиметр, уртаса буй-һынлы, саллана башлаған һары сәсле, күҙҙәре күк. Юғалған көндө зәңгәр футболка, ҡара-зәңгәр трико, ҡара кроссовки кейгән. Уның ҡайҙа икнлеген белһәгеҙ 8 937 357 79 33 телефоны буйынса хәбәр итеүегеҙ һорала.

Фото: "Барс" отряды.